Goðorð

Hljóðs bið eg allar
helgar kindir,
meiri og minni
mögu Heimdallar.

Nú meiga Eyfirðingar, Svarfdælingar og aðrir nærsveitarmenn taka gleði sína upp á nýjan leik. Þeir meiga búast við árlegu blóti frá undirrituðum. Staðsetning ásamt tímasetningu verður auglýst síðar.

Lögréttufundur haldin 23. maí kl 17.30

Mættir voru Hilmar Örn, Egill, Jónína, Eyvindur, Rún, Garðar, Hildur og Halla. Seinna mætti Árni.

Dagskrá fundarins:
1. Bautasteinn Sveinbjarnar Beinteinssonar
2. Hofbyggingin
3. Þingblótið – Árni Einarsson samþykktur sem goðaefni?
4. Önnur mál

3. Röð dagskrárliða var breytt. Áður en Árni kom á fundinn var hans mál tekið fyrir. Fundarmenn voru allir sammála um að Árni yrði samþykktur sem goðaefni og yrði það borið upp við þingheim á Allsherjarþingi í haust.

Árni Einarsson Hofgoði.

Athugasemdir

[Rúna Guðfinnsdóttir, 31.5.2007 kl. 10:05]

Ég ætlaði nú að skeyta þessu við neðri grein en set þá bara hér. Til lukku með tilnefninguna.

Í ferskeytlunnar fagurgerð

fimur ljóða smiður.,

efni þitt í orðasverð

er ávallt góður viður.

                                (Rúna)

[Rúna Guðfinnsdóttir, 31.5.2007 kl. 10:32]

Svo er hérna ein áður en ég fer að gera eitthvað af viti.

Ekki er það alltaf margt sem ég geri af viti.

Ef Goða í helgan heiminn kem

hendir engan voði

því nú er "Gamli" nefndur sem

Norðlendingagoði.

                        (Rúna)

[Árni "Gamli" Einarsson, 31.5.2007 kl. 10:33]

Kærar þakkir Rúna.

Þessi vísa snerti mig í hjartastað!

[Rúna Guðfinnsdóttir, 31.5.2007 kl. 10:38]

Gaman að heyra.  

[Árni "Gamli" Einarsson, 31.5.2007 kl. 10:41]

Margt af viti Marzibil,

megnar þessa daga.

Góðum vísum veitir yl,

vart þarf han´að klaga.

[Rúna Guðfinnsdóttir, 31.5.2007 kl. 11:09]

Takk takk...þetta var sætt af þér, en nú truflar þú mig enn meira og enn sit ég við skjáinn og engu búin að koma í verk. Ég sé mig tilneydda að svara áður en ég ræðst á herbergi unglingsins

Lifi varla vísum á

virti Norðangoði.,

þó að nái kerling kná

að knýta stökuhnoði.

                       (Rúna)